D’r durchkiek

In Beeldspraak, Heerlen, Poëzie door Widdy72Plaats een reactie

D’r oavend vilt
d’r sjtub legkt zich neer
de lóf beweëgt zich sjtil um mich hin
Ich sjtop, ich kiek, vroag mich woa ich bin
Ee oetzich deet pieng aa de oge
van ing prach die ich noeëts besjrieëve han
’t is deë durchkiek deë ’t um deet
esof de welt doahinger pas richtig besjteet
wiet voet, richting Maas en mesjien waal wier
Va hei liekt ’t ee paradies
De zon brikt ‘t ieëwig gries
Maar wie kieke zie noa ós
van doahinger
gans wiet voet

inParkStad Advertentie

Zoeë sjton ich doa
ing ganse tied alling
Mieng gedanke wiet voet gedrieëve
zitte sjtiekem al get wöad te sjrieve
uëver d’r durchkiek deë mich lieët zieë
wie vier angere nit noa os mótte loate kieke
Want vier zunt os ege gezich
woa vier mit kieke en aagekieëke weëde
Op ’t letst vilt mieng kwartje
want ’t is juus durch dit kling sjtuksjke Parksjtad
op d’r zandweg hoeëg i Heële
dat deë durchkiek is gewoeëde wat vier d’r noe va make
Oane dit plekjske hei bij ós
wiste vier noeëts woa ’t sjuns begós

Over de schrijver

Widdy72

Schrijft gedichten in het Nederlands en in het dialect. Soms gaat het puur om het delen van een gevoel. Af en toe is het onderwerp ingegeven vanuit de actualiteit. Maar altijd is alles doordrenkt van kreten recht uit het hart.

Geef een reactie

Het e-mailadres wordt niet gepubliceerd. Vereiste velden zijn gemarkeerd met *

Deze website gebruikt Akismet om spam te verminderen. Bekijk hoe je reactie-gegevens worden verwerkt.