Poasj eier

In Poëzie door Widdy72Plaats een reactie

Poasj eier

Broen vel, sjpitse oere
Sjpringend wie ee bengelke
D’r haas bringt os gieker joar
Ozze eier in ee mengelke

inParkStad Advertentie

Geël is d’r kern
D’r umhin zit ‘t wit
De sjaal is gepienzeld
Zoeëdat ginne vergit:

’t Is Poasje, ’t is Poasje
Vier mage wer eier eëte
Loat os tietsje en pelle
Ee tuufke zaot nit te vergeëte

Vöal eier zunt roeëd
Die ligke ’t wermst in de heng
Zunt vaak socialistisch
Mit ’t mets tusje de teng

Anger eier zunt blauw
Die hant ’t sjienbaar kaod
Verleze sjnel mit tietsje
En weëde dus nit aod

Inkele eier die zunt greun
Gunne dich wirklich nieks
Fenningfutsere ieësjte klas
Poetse de sjoon oane wieks

Oranje eier giët ’t ooch
Zunt gruëtsj op os sjteëtje
Make zich sjun eind april
Vuur d’r Willem en zie meëdje

Hieël soms zunt eier sjwat
Alle leëve is doa d’r oet
Ze ruke ing sjtond in d’r wink
Verzouwe de ganse boet

’t Is Poasje, ’t is Poasje
Vier mage ze de keël aaf duie
Maar ieësj tietsje en good pelle
Ich wunsj uch ee sjmakelik kuie

Over de schrijver

Widdy72

Schrijft gedichten in het Nederlands en in het dialect. Soms gaat het puur om het delen van een gevoel. Af en toe is het onderwerp ingegeven vanuit de actualiteit. Maar altijd is alles doordrenkt van kreten recht uit het hart.

Geef een reactie

Het e-mailadres wordt niet gepubliceerd. Vereiste velden zijn gemarkeerd met *

Deze website gebruikt Akismet om spam te verminderen. Bekijk hoe je reactie-gegevens worden verwerkt.