Renne in d’r duustere oavend

Wie döks han ich ’t nit gedoa

Wil ich voet, gon ich trük en woarum

Ich ken nit zoeë mar blieve sjtoa

 

Dinke in d’r duustere oavend

Uëver ónheel, zörge, of dat get sjtópt

Óngertussje deë kadans, dat ritme

Da krien ich nieks mieë in deë kop

 

Blieve oame tussje ’t dinke

Dinke blieve ónger ’t oame

Te duuster um richtig te kieke

Kieke wat ich zien in ’t duuster

 

De natoer lieët zich nit mieë zieë

Toch veul ich, ruuk ich genóg um mich hin

In d’r bölles sjwaamt ’t da vuur twieë

Maar deë film hat nit dat sjuns d’r i

 

Woa deë boom sjting kunt ’t wirk umhoeëg

D’r pool water lieët de pieng rónk zjwumme

Ing sjtroek vuur probleme va gans de welt

Ee blumke vuur ’t klingste sjtuksjke sjpiet

 

In ’t duuster ziet alles angesj oet

Nukkig,  sjtillig, vöal te groeët

Zoeë ken ich uëver van alles dinke

Vuurdat ’t sjwat weëd, vuur ’t geet sjtinke

 

’t Doert bis ich wer heem kóm

Dan bin ich va binne maagdelik leëg

Probleme zunt da hinger de zón

Esof ich ze van mieng sjouwer veëg

 

Renne in d’r duustere oavend

Wie döks han ich ’t nit gedoa

Dinke in d’r duustere oavend

Wenieë zou ich wer ins goa